عمران صاحب کوں عقل دی ڳالھ دیر نال پلے پوندی اے تہوں اے پارلیمنٹ توں ٻاھرو تھین، وفاقی وزیر اطلاعات مریم اورنگزیب

اسلام آباد۔18مئی(اے پی پی)وفاقی وزیر اطلاعات و نشریات مریم اورنگزیب سابق وفاقی وزیر فواد حسینچ وہدری کوں ولدا ݙیندے آکھیے جو عمران صاحب کوں عقل دی ڳالھ دیر نال پلے پوندی اے تہوں اے پارلیمنٹ توں ٻاھرو تھین، جیکر انہاں کوں عقل ہوندی تاں آئین دی ڳالھ سمڄھدے اتے عدالتاں وی رات ٻارھاں وڄے نا کھولݨیاں پوندیاں، اے اکھیں بند کرتے عوام دشمن شرائط دے معاہداں تے دستخط کریندے رہین، انہاں معیشت۔ روزگار مکا تے تاریخی مہنگائی ݙتی اے جیندا ٻھوگ اڄ عوام کوں ٻھوڳݨا پوندے۔ انہاں آکھیا جو انہاں کوں عقل ہوندی تاں فواد چوہدری ڄھیں ترجمان ہوندے نا فرح گوگی کولو کرپشن کرویندے، اے 4 سال اچ 20 ہزار ارب دے تاریخی قرض آلی کار کوڑ مار تے اپݨے گناہ ودھیندے ویندن، اے ہݨ من ونڄن جو انہاں دی حکومت نئیں رہی، عوام فیصلہ کر چکین اوکوں من ڳھنݨا چاہیدے۔

مضمون کا ماخذ : نتیجہ ڈوپلا سینا

متعلقہ مضامین