اسلام آباد ۔ 27 فروری (اے پی پی) بھارتی قائم مقام ہائی کمشنر گوراو اہلووالیا کوں بدھ کوں دفتر خارجہ سڈ تے26 فروری کوں لائن آف کنٹرول تے نکیال اتے کھوئی رٹہ سیکٹرز اچ بھارتی قابض فوج ولوں سیز فائر دی بلااشتعال خلاف ورزیاں دی مذمت کیتی گئی اے جیں دے نتیجے اچ چار بےگناہ شہریاں موتیا بی بی، زرینہ، گلفراز اتے شہناز دی شہادت تھئی اے جڈاں جو6 بئے زخمی تھی گن۔ ترجمان دفتر خارجہ ولوں جاری بیان دے مطابق ڈائریکٹر جنرل (جنوبی ایشیاءو سارک) ڈاکٹر محمد فیصل بھارتی قائم مقام ہائی کمشنر کوں سڈیا تے سیز فائر دی بلااشتعال خلاف ورزیاں دی مذمت کیتی ۔ لائن آف کنٹرول اتے ورکنگ باﺅنڈری تے بھارتی فوج بارے اسلحے دے نال مسلسل شہری آبادی دے علاقیں کوں نشانہ بنڑیندی پئی اے ، بھارت ولوں2017ء(جیں دوران بھارتی فوج سیز فائر دیاں1970خلاف ورزیاں کیتن) اوندے نال سیز فائر دیاں مسلسل خلاف ورزیاں دے ذریعے کشیدگی اچ غیر معمولی ودھارا کیتا ویندا پئے۔ بیان دے مطابق شہری آبادی دے علاقیاں دا دانستہ ہدف بنڑاونڑ حقیقت اچ قابل افسوس اتے انسانی وقار، بین الاقوامی بنیادی حقوق اتے انسانی ہمدردی قوانین دے منافی اے۔ بھارت ولوں سیز فائر دیاں خلاف ورزیاں علاقائی امن و سلامتی کیتے خطرہ ہن تے تزویراتی غلط اندازے پاروں بنڑ سگدی اے ۔ ڈائریکٹر جنرل ڈاکٹر محمد فیصل بھارت تے زور ڈتا جو او 2003ءدے سیز فائر معاہدے دا احترام کرے۔
