مسلم ليګ (نون) به د پاكستان د پرمختګ او سوكالۍ سفر روان ساتي۔ برجېس طاهر

ډي آئي خان -25 فروری (اے پی پی) د كشمير او ګلګت بلتستان چارو وفاقي وزير چوهدري محمد برجېس طاهر وئيلي دي مسلم ليګ نون به د پاكستان د پرمختګ او سوكالۍ سفر د محمد نواز شريف وژن او مشرتابه كښې روان ساتي۔ په تېرو څو كلونو كښې د شوي پرمختګ كرېډټ نواز شريف ته ځي چا چې د خپل وژن او عزم د لاررې پاكستان ته د پرمختګ او سوكالۍ هغه مضبوط بنيادونه وركړل كوم چې په هېڅ صورت ختمېدې نه شي۔ د اتوار په ورځ خپل يو بيان كښې ده ووئيل كال 2013ﺀ كښې د هېواد ناوړه حالت د ټول پاكستاني اولس وړاندې دے او د پاكستان 20 كروړه اولس ګواه دے چې نواز شريف د برېښنا په ستونزه ٬ ترهګرۍ او معاشي بدحالۍ قابو موندلو سره هېواد د پرمختګ او سوكالۍ په لاره روان كړو۔ چوهدري محمد برجېس طاهر ووئيل نواز شريف خپل عزم او اولس دوست پالېسيو سره د پاكستاني اولس په زړونو كښې ځائې جوړ كړې۔ دا د بې بنسټه تورونو او پروپېګنډې د لارې ختمېدې نه شي۔ ده ووئيل د كال 2018ﺀ ټاكنو كښې مسلم ليګ (ن) ته زيان رسولو له د مخالفينو منصوبې به ناكامۍ سره مخ شي۔ ده ووئيل مسلم ليګ (ن) به د كال 2018ﺀ ټول ټاكنو كښې كاميابي ترلاسه كولو سره د نواز شريف د وژن ترمخه د پاكستان د پرمختګ او سوكالۍ سفر روان ساتي۔

مضمون کا ماخذ : خون چوسنے والے II

متعلقہ مضامین