د پوځي طاقت استعمال او وسلو زغل سره شخړې نه هوارېږي

اسلام آباد 26 جنوری (اے پی پی) د انډونیزيا اولس مشر جوکو ودودو ووئيل د پوځي طاقت استعمال او وسلو زغل سره شخړې نه حل كېږي، شخړو او جنګونو سره هيڅ ګټه نه ترلاسه كېږي، جمهوریت زمونږ د وګړو د ګټو او مسئلو ښھ تحفظ دې، جمهوریت پريكړې كولو كښې مهم کردار لري، د جمهوریت په وجه د انډونیزيا معاشی نمو د 5 فیصده څخه زياته او مستحکم ده، د فلسطېن د آزادۍ هلو ځلو ملاتړ به روان ساتلې شي، د انډونیزيا د آزادۍ هلو ځلو كښې د پاکستان کردار هيرولې نه شو، د نړۍ په هر فورم امن له به تل د خبرو اترو ملاتړ كولې شي، مونږ ټولو له به په ګډه نړۍ كښی سوكالۍ ، امن او د بشرې اقدارو سرلوړۍ او انصاف له كار كول وي۔ د پارلمان شريكې غونډې ته مخاطب كيدل زما لپاره د اعزاز خبره ده، 1963ء كښې د انډونیزيا وړومبي اولس مشر ډاکټر احمد سوئیکارنو دې پارلمان ته په وړومبې ځل خطاب کړې ؤ او نن 55 كاله پس د جمهوریه انډونیزيا اولس مشر ته بيا اعزاز ترلاسه كېږي چې زه د پارلمان شريكې غونډې ته خطاب کوم۔ د انډونیزيا اولس مشر ډاکټر سوئیکارنو د استعماریت نظام په ضد هلې ځلې كړي او زمونږ هېواد ئې آزاد كړې۔ د جمعې په ورځ د پارلمان شريكې غونډې ته خطاب کښې ده ووئيل د پاکستان او انډونيزيا ملګرتيا نوي نه ده بلکې مونږ د پاکستان قدر ځكه كوو چې پاکستان زمونږ د آزادۍ تحریك كښې کردار ترسره كړې، په 17 اګست 1995ء د انډونیزيا د سالګرې په موقع د پاکستان د قام بابا قائداعظم له د انډونیزيا د آزادۍ هلو ځلو كښې په ملاتړ د انډونيزيا تر ټولو لوئ سول ایوارډ وركړې شوې۔ ده ووئيل پاکستان او انډونيزيا ترمينځه ډير څه شريك دي۔ دواړه هېوادونه د ډی ایټ غړي دي، د او آئی سی غړي ، د اسياﺀ افریقې کنفرنس غړي دي، د نړيوال پارلمانی یونین غړي دي۔ ده ووئيل انډونيزيا د اسياﺀ افریقې کنفرنس ابتداء کونكې هېواد دې، تر ټولو لويه خبره دا ده چې دواړه جمهوری هېوادونه دي او دواړه د فلسطین د آزادۍ حمایت کوي۔ده ووئيل زه تاسو له بلنه دركوم چې يو ځل بيا د فلسطینیانو د آزادۍ هلو ځلو د ملاتړ پخلې وكړئ۔ د انډونيزيا اولس مشر ووئيل مونږ د فلسطین د وروڼو خوېندو د آزادۍ هلو ځلو بشپړه ملاتړ كوو۔ ده ووئيل انډونيزيا نړۍ كښې د آبادۍ په اعتبار تر ټولو لوے اسلامی هېواد دې۔ زمونږ آبادی 28 کروړه 70 لکھ ده چې پكښې 86 فیصده مسلمانان دي دغسې د پاکستان په شان د مسلمانانو سره سره د نورو مذهبونو وګړي هم آباد دي۔ ده ووئيل مونږ شريك باور ته اړتيا لرو دغسې چې جمهوریت مستحکم شي۔ ده ووئيل د اولس مشر په حېث زه باور لرم چې جمهوریت زمونږ د وګړو د ګټو او د مسئلو ښه تحفظ دے۔ جمهوریت سره د انډونيزيا معاشی نمو د 5 فیصده زياته او مستحکم ده، د جمهوریت په سوب انډونيزيا د نړۍ 20 لويو معیشتونو كښې يو هېواد دې۔ د انډونيزيا اولس مشر ووئيل زه تاسو ته باور دركوم چې د انډونيزيا ټول وګړي د دې حقیقت څخه خبر دي چې منصفانه پرمختګ ته پام لرنه كېږي۔ ده ووئيل سیاسی استحکام او سلامتیا هغه وخت ممکن ده كله چې امن او سلامتیا وي، د شخړو او جنګونو د انسانی اقدارو نه علاوہ بل چاته كومه ګټه نشته، او چا ته په دې كښې هيڅ هم نه ترلاسه كېږي، جنګونو او شخړو كښې ميرمنې او ماشومان پھ نښه كېږي ، اعلیٰ اقدار ته زيان رسي او دا د انسانیت لپاره زيان مند دې ۔ ده ووئيل انډونيزيا په اسياﺀ كښې د امن او استحکام ترلاسه كولو تر ټولو لوئ داعی دې، زمونږ هېواد د نړيوال امن حقیقی شراکت دار دې۔ ده ووئيل نړيوال امن په ځائې ساتلو له انډونيزيا بشپړه کردارا ترسره كوي۔ ده ووئيل د هېوادونو ترمينځه اختلافات، د شخړو حل ، سلامتیا ، نشه ائ توكو او بشري قاچاق مخنيوي او په ترهه ګرۍ قابو موندلو له د حقیقی شراکت دارۍ كلك عزم لرو۔ ده ووئيل دا مهال نړۍ كښې د انتهاء خوښۍ او ترهه ګرۍ يو دور دې ،د ترهه ګرۍ څخه كوم هېواد محفوظ نه دې، د انډونيزيا پشمول ټول هېوادونه د ترهه ګرۍ ښكار دي۔ ده ووئيل د شخړو او جنګونو تر ټولو زيات ښكار په نړۍ كښې 76 فیصده مسلمان هېوادونه دي، د وسله والو شخړو 7 فیصده ښكار مسلمانان دي، ګڼ وګړي د ښه ژوند په لټون كښې په كډه كولو مجبور شوې ، 76 فیصده كډه كونكو تعلق د مسلمان هېوادونو سره دې، ګڼ ځوانان د خپل سباؤن څخه مایوسه كيدو سره د خپلو سيمو څخه په كډه كولو مجبور دي۔ ده ووئيل مونږ له به خپلو هېوادونو او نړۍ كښې د شخړو ختمولو له كار كول وي، د انسانیت احترام د انسانانو لپاره بايد زمونږ د ژوند رهنما اصول وي۔ ده ووئيل تاریخ مونږ ته ښودلې دي چې پوځي طاقت او وسلې امن په ځائې ساتلو كښې ناکافی ثابت شوې دي۔ده ووئيل آسیان د سوئيلي ختيز اسياﺀ كښې د استحکام مرکز دې ، مونږ هيله لرو چې مونږ ټولو له به نړيوال امن او سوكالۍ له د انصاف په نامه خپل کردار ترسره كول وي۔ ده ووئيل بايد مونږ د مسئلو برخه ګرځيدو په ځائې د مسئلو د حل برخه وګرځو او د انسانیت په نامه بايد په ګډه كار كول باوري كړو۔مونږ ټولو له به پھ ګډه نړۍ كښې د سوكالۍ ، امن او انسانی اقدارو سرلوړۍ او انصاف له په ګډه كار كول وي

مضمون کا ماخذ : لوٹیریا کے اعدادوشمار

متعلقہ مضامین