جموں و کشمیر جھیڑے دا منصفانہ حل ساݙی خارجہ پالیسی دا کلیدی ستون رہسی ، صدرعارف علوی دا یکجہتی کشمیردے ݙینھ تے سنھیا

اسلام آباد۔4فروری(اے پی پی):صدر مملکت ڈاکٹر عارف علوی آکھیے ِیکجہتی کشمیر ݙینھ دے موقع تے پاکستانی حکومت اتےعوام کشمیریاں دی منصفانہ اتے جائز جدوجہد سانڳے آپݨی غیرمتزلزل حمایت دی تجدید کریندن ، جموں و کشمیر جھیڑے دا منصفانہ حل ساݙی خارجہ پالیسی دا کلیدی ستون رہسی ۔ پاکستان اقوام ِمتحدہ دی سلامتی کونسل دی متعلقہ قرارداداں موجب کشمیری عوام دے حق ِخودارادیت گھنݨ تئیں انہاں دی اخلاقی، سفارتی اتے سیاسی حمایت جاری رکھیسی ۔ ایوان صدر دے پریس ونگ توں جاری بیان موجب ِیکجہتی کشمیر ݙینھ دے موقع تے آپݨے سنھیے اچ صدرمملکت آکھیے گزریل 76 سالاں توں غیرقانونی طور تے بھارتی زیرِ تسلط جموں و کشمیر دے عوام اپݨے حق خودارادیت گھنݨ سانڳے جدوجہد کریندے پئن ۔ یکجہتی کشمیر ݙینھ دے موقع تے پاکستانی حکومت اتے عوام کشمیریاں دی منصفانہ تے جائز جدوجہد سانڳے اپݨی غیر متزلزل حمایت دی تجدید کریندن ۔ عارف علوی آکھیے حق خود ارادیت بین الاقوامی قانون دا بنیادی اصول اے۔ غیر ملکی قبضے دے تحت لوکاں دے حق خود ارادیت گھنݨ دی واضح حمایت دے اظہار سانڳے اقوام ِمتحدہ دی جنرل اسمبلی ہر سال ھک قرارداد منظور کریندی اے ۔ اے ھک افسوسناک امر اے جو کشمیری عوام ایں ناقابل تنسیخ حق توں حالی وی محروم ہن ۔ صدر مملکت آکھیے اڄ مقبوضہ جموں و کشمیر دنیا دے ساریں توں ودھ عسکریت زدہ علاقیں اچوں ھک اے ۔ کشمیری عوام ھک خوف اتے دہشت دے ماحول اچ رہندے پئن ۔ قابض بھارتی افواج کشمیری شہریاں دے خلاف طاقت دے اندھا دھند استعمال دا بازار گرم کررکھیے۔ سیاسی کارکناں اتے انسانی حقوق دے محافظاں کوں بے جا حراست اتے جائیدادوں دی ضبطی دا سامݨا اے۔ کشمیری عوام دی حقیقی امنگاں دی نمائندگی کرݨ آلی سیاسی جماعتاں تے پابندی لاتی ویندی پئی اے ۔ انہاں آکھیے بھارت مقبوضہ جموں و کشمیر تے اپݨے قبضے کوں مستحکم کرݨ سانڳے اقدامات کریندا پئے ۔ 5 اگست 2019 دے اپݨے غیر قانونی تے یکطرفہ اقدامات دے بعد، بھارتی کوششاں دا مقصد آبادیاتی اتے سیاسی تبدیلیاں گھن آوݨ اے تاں جو کشمیریاں کوں اپݨی ہی سرزمین اچ ھک بے اختیار کمیونٹی اچ بدل ݙتا ونڄے ۔ بھارتی سپریم کورٹ دا 11 دسمبر 2023 دا فیصلہ کشمیری عوام دے حق ِخود ارادیت کوں دباوݨ دی بھارتی خواہش دا ہی ھک مظہر اے۔ پاکستان اقوام ِمتحدہ دی سلامتی کونسل دی متعلقہ قرارداداں موجب کشمیری عوام دے حق خودارادیت گھنݨ تئیں انہاں دی اخلاقی، سفارتی اتے سیاسی حمایت جاری رکھیسی ۔

مضمون کا ماخذ : آزاد کشمیر لاٹری

متعلقہ مضامین