امریکی سفیر کوں دفتر سݙ ڳھدا ڳئے ، جوہری اثاثیں متعلق جوبائیڈن دے الزامات مسترد

اسلام آباد۔15اکتوبر(اے پی پی) امریکی صدر جوزف بائیڈن دی طرفوں پاکستان دے جوہری اثاثے متعلق ݙتے ڳئے بیان توں بعد پاکستان امریکی سفیر کوں دفتر خارجہ سݙ تے الزامات مسترد کرݙتن ۔ امریکی سفیر ڈونلڈ آرمن بلوم کوں دفتر خارجہ سݙیا ڳئے، امریکی صدر بائیڈن دے بیان تے امریکی سفیر ڈونلڈ بلوم توں وضاحت منگی ڳئی اے ، امریکی سفیر کوں پاکستان دی طرفوں احتجاجی مراسلہ وی تھما ݙتا ڳئے تے امریکی صدر دے الزامات کوں غیر ذمہ دارانہ قرار ݙے تے مسترد کرݙتا ڳئے ۔ دفتر دفترخارجہ اچ جاری اجلاس اچ امریکی سفیر کوں سݙݨ دا فیصلہ کیتا ڳئے ۔ اجلاس اچ دفترخارجہ حکام دی طرفوں امریکی صدر جوبائیڈن دے بیان تے شدید تحفظات دا اظہار کیتا ڳئے ۔ سفارتی ذرائع موجب پاکستان دے ایٹمی اثاثہ جات، کمانڈ اینڈ کنٹرول نظام مکمل طور تے محفوظ ہن ، پاکستان نیوکلئیر پروگرام باقاعدہ طور تے آئی اے ای اے اتے عالمی معیارات دے مطابق اے، امریکا بھارت دے غیر محفوظ ایٹمی و میزائل پروگرام تے اکھیں بند کیتیاں ہوئیاں ہن ۔ امریکی صدر دا بیان انتہائی غیر ذمہ دارانہ اے۔ایندے توں پہلے پریس کانفرنس توں خطاب کریندے ہوئیں وزیر خارجہ بلاول بھٹو زرداری آکھیے جو امریکی صدر بائیڈن تقریب توں خطاب کریندے ہوئیں کئی ملکاں بارے ڳالھ کیتی تے ایں دوران پاکستان دے حوالے نال وی بیان ݙتے جیں تے میݙی وزیراعظم نال ڳالھ تھئی اے تے اساں پاکستان اچ امریکی سفیر ڈونلڈ بلوم کوں ھک سرکاری ڈیمارش کیتے دفتر خارجہ سݙیے ۔

مضمون کا ماخذ : como jogar lotofácil

متعلقہ مضامین