پاکستان کوں کلہا کرݨ دے سک رکھݨ آلے عقل دے اندھے ہین، بھارت کوں افغانستان اچ منہ دے بھر ڈھاوݨا پئے، وزیر داخلہ شیخ رشید احمد

APP48-170721 ISLAMABAD: July 17 - Federal Minister For Interior, Sheikh Rashid Ahmed addressing a press conference. APP

اسلام آباد۔22ستمبر(اے پی پی)وفاقی وزیر داخلہ شیخ رشید احمد آکھیے جو نیوزی لینڈ دی ٹیم دے ونڄݨ نال پاکستان کوں کلہا نئیں کیتا ونڄ سڳدا، او ݙینھ آسی ڄݙاں پورے ڄق توں ٹیماں پاکستان آسن، عمران خان دی قیادت اچ پاکستان ترقی کریسی، افغانستان اچ جو کڄھ بھارت نال تھئے اوندے تے بھارت اچ ماتم پیا ہوئے، بھارتی میݙیا پاکستان دے خلاف پھٹیا پئے۔ وزیر اطلاعات چوہدری فواد حسین نال پریس کانفرنس کریندے وزیر داخلہ آکھیا جو پہلے ہی آکھیا ہم کہ برطانیہ دی کرکٹ ٹیم وی نہ آسی کیوں جو افغانستان اچ بھارت دے 66 کیمپ مکین، اساں ہک زندہ قوم ہیں اتے ساکوں کوئی کلہا نئیں کر سڳدا، آوݨ آلے ݙینھ پاکستان دے ہین۔ انہاں آکھیا جو افغانستان دی صورتحال اچ پاکستان دا ہک تاریخی کردار اے، افغانستان اچ خانہ جنگی دا سوچݨ آلے مایوس تھین، اڄ ہک وی مہاجر پاکستان نئیں آیا، نا کوئی مہاجر کیمپ لڳے، طورخم اتے چمن بارڈر تے معمول نال کم ٹردا پئے۔ انہاں آکھیے جو اے سارا ٹوپی ڈرامہ اے جیکوں کھنݙاوݨ آلے ناکام تھیندے راہسن، بھارت پاکستان اچ دہشت گردی توں باز نئیں آندا پیا بھل ساݙا بیانیہ امن اے اتے پاکستان اچ بالکل امن اے۔

مضمون کا ماخذ : como apostar na loteria

متعلقہ مضامین