وفاقی وزیر اطلاعات مرتضیٰ سولنگی ریڈیو دے جڳ ݙیھاڑ تے ریڈیو پاکستان اچ انگریزی زبان اچ خبرنامہ پڑھ تے نویں تاریخ رقم کرݙتی

ریڈیو پاکستان ہمیشہ قومی یکجہتی اتے ہم آہنگی کوں ودھارا ݙیوݨ اچ قائدانہ کردارادا کیتے، مرتضیٰ سولنگی

اسلام آباد۔13فروری(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی ریڈیو دے جڳ ݙیھاڑ دے موقع تے ریڈیو پاکستان تے انگریزی خبر نامہ پڑھ تے ھک نویں تاریخ رقم کیتی اے ۔ وفاقی وزیر اطلاعات ریڈیو پاکستان تے ݙوپہر ھک وڄے دا خبرنامہ پڑھ تے اے سنھیا ݙتے جو حکومت ریڈیو کوں ھک اہم ذریعہ ابلاغ دے طور تے ݙیکھدی اے ۔ نگران وزیر اطلاعات دا اے اقدام ایں امر دی وی نشاندہی کریندے جو حکومت ریڈیو نشریات کوں ودھارا ݙیوݨ سانڳے پرعزم اے۔ وفاقی وزیر اطلاعات دااے اقدام ریڈیو پاکستان کوں ھک قومی نشریاتی ادارے دے طور تے تکڑا تے پاکستان اچ ڈیجیٹل ریڈیو نشر و اشاعت کوں ودھارا ݙیوݨ اچ مدد ݙیسی ۔ وفاقی وزیر اطلاعات ریڈیو پاکستان دے پوڈ کاسٹ پروگرام اچ وی شرکت کیتی ۔ ایں موقع تے ڳالھ مہاڑ کریندے ہوئیں وفاقی وزیر اطلاعات آکھیے جو حکومت ریڈیو پاکستان کوں تکرا تے اینکوں رابطے دا ھک موثر اتے متحرک ذریعہ بݨاوݨ سانڳے پرعزم اے ۔ انہاں آکھیے حکومت پاکستان اچ ڈیجیٹل ریڈیو دی نشریات کوں ودھارا ݙیوݨ سانڳے وی کم کریندی پئی اے ۔ انہاں آکھیے ریڈیو پاکستان قومی نشریاتی ادارہ اے جیں وی طویل اتے بھرپور تاریخ اے، ریڈیو پاکستان ہمیشہ قومی یکجہتی تے ہم آہنگی ودھاوݨ سانڳے قائدانہ کردارادا کیتے ۔ واضح رہے جو ریڈیو پاکستان ملک دا ساریں توں پراݨا تے ساریں توں وݙا نشریاتی ادارہ اے جیں دے مختلف زباناں ٻولݨ آلے سامعین دی ھک ٻہوں وݙی تعداد اے ۔ ریڈیو دا عالمی ݙینھ ہر سال 13 فروری کوں منایا ویندے۔

مضمون کا ماخذ : بلوچستان لاٹری

متعلقہ مضامین