لیپ ٹاپ اتے قرضہ سکیم نال ہونہار غریب طلبا تے طالبات فیدہ چیسن، ولا منتخب تھیے تاں نینگراں کیتے رقم ٻئی ودھیسوں، وزیراعظم دا ڈیجیٹل یوتھ ہب پورٹل دی افتتاحی تقریب توں خطاب

اسلام آباد۔3اگست (اے پی پی) وزیراعظم محمد شہباز شریف ملک کوں عظیم تر اتے نینگراں کوں بااختیار ٻݨاوݨ دا عزم کریندیں ہوئیں آکھیا جو لیپ ٹاپ اتے قرضہ سکیم نال ہونہار غریب طلبا تے طالبات فیدہ چیسن، ولا منتخب تھیے تاں نینگراں کیتے رقم ٻئی ودھیسوں۔ یوتھ پروگرام دے ذریعے ہݨ تئیں 30 ارب روپے تقسیم کیتے ڳئن۔ پاکستان ایجوکیشن انڈوومنٹ فنڈ کیتے 5 ارب روپے رکھین۔ ولا منتخب تھیے تاں نینگراں کیتے رقم ٻئی ودھیسوں۔ اے ڳالھیں انہاں خمیس کوں ڈیجیٹل یوتھ ہب پورٹل دی افتتاحی تقریب توں خطاب کریندیں ہوئیں آکھی۔ وزیراعظم آکھیا جو وزیراعظم یوتھ پروگرام کوں پورے ملک اچ برق رفتار نال کھنڈیندے پیوں۔ میں پشاور ، کراچی، لاہور ،گوادر دے دورے کیتن۔ پورے ملک دے ہونہار طلبا تے طالبات کوں میرٹ تے لیپ ٹاپ ݙتے ویندے پئن۔ یوتھ پروگرام نال کاروبار، زراعت اتے ایس ایم ایز کیتے قرضیاں دی مد اچ ہݨ تئیں 30 ارب روپے بینکاں دے ذریعے تقسیم کیتے ڳئن۔ یوتھ سپورٹس پروگرام کیتے بجٹ اچ 5 ارب روپے رکھیے ڳئن۔ آئی ٹی پروگرام ، فری لانسرز ، فنی تربیت اتے ٻئے شعبیاں کیتے بجٹ اچ 80 ارب روپے رکھیے ڳئن۔ نینگراں کوں کاروبار کیتے قرضے دی مد اچ پنج ارب روپے رکھیے ڳئن۔ وضیفے کیتے وی پنج ارب روپے رکھیے ڳئن۔ انہاں آکھیا جو 2008 اچ پنجاب ایجوکیشن انڈوومنٹ فنڈ اساں ٻݨایا ہئی ۔ ہݨ وفاق دی سطح تے پاکستان ایجوکیشن انڈوومنٹ فنڈ قائم کیتا ڳئے جئیں کیتے پنج ارب روپے رکھیے ڳئن۔ وزیراعظم آکھیا میݙا وس چلے تاں پنج ارب روپے دی اے رقم ودھا تے 500 ارب روپے کر ݙیواں۔ نینگر ایں پورٹل تے آپݨے آپ کوں رجسٹرڈ کرا سڳدن۔ لیپ ٹاپ سکیم سرکاری تعلیمی اداریاں دے غریب طلبا و طالبات کیتے اے۔

مضمون کا ماخذ : فروٹ شاپ

متعلقہ مضامین