نجمہ حمید پارٹی دا قیمتی اثاثہ ہن،وزیراعظم شہباز شریف دا مسلم لیگ (ن) شعبہ خواتین دی سابق صدر دی فوتکی تے اظہار تعزیت

اسلام آباد۔3دسمبر (اے پی پی):وزیراعظم محمد شہباز شریف پاکستان مسلم لیگ (ن) شعبہ خواتین دی سابق صدر سینئر پارلیمنٹیرین بیگم نجمہ حمید دی وفات تے افسوس تے تعزیت کریندے ہوئیں آکھیے جو آئین دی سربلندی، جمہوریت، ملک اتے پارٹی کیتے بھیݨ نجمہ حمید دی خدمات ناقابل فراموش ہن ۔ وزیر اعظم میڈیا آفس توں جاری بیان موجب وزیر اعظم آکھیے جو بیگم نجمہ حمید ھک نظریاتی، بااصول، بہادر، شفیق اتے باوفا شخصیت ہن ۔ انہاں اظہار تاسف کریندے ہوئیں آکھیے جو میں اڄ ھک محبت کرݨ آلی مخلص بھیݨ توں محروم تھی ڳیاں ۔ وزیر اعظم محمد شہباز شریف آکھیے جو مرحومہ پارٹی دا قیمتی اثاثہ ہن ۔ انہاں دی وفات ٻہوں وݙا ضیان اے ۔ او قائد محمد نواز شریف اتے مرحومہ بیگم کلثوم صاحبہ دی نیڑے تے بااعتماد ساتھی ہن ۔ وزیر اعظم آکھیے مرحومہ بیگم کلثوم دی سیاسی جدوجہد اچ انہاں ٻہوں جرات وبہادری نال ناقابل فراموش کردار ادا کیتا۔ وزیراعظم محمد شہباز شریف طاہرہ اورنگزیب اتے وفاقی وزیر اطلاعات و نشریات مریم اورنگزیب سودھے سارے اہل خانہ نال تعزیت تے ہمدردی دا اظہار کیتے۔ وزیراعظم محمد شہباز شریف مرحومہ دے درجات اچے کرݨ تے لواحقین کیتے صبر دی دعا وی کیتی ۔

مضمون کا ماخذ : quina prêmio acumulado

متعلقہ مضامین