چین ماضی اچ وی اساݙا پراعتماد دوست ہئی اتے مستقبل اچ وی رہسی، چین یوکرین اچ امن تے استحکام کیتے سفارتکاری اتے ڈائیلاگ بارے او آئی سی دے اقدام اچ تعاون ݙیوݨ تے آمادگی ظاہر کیتی اے، وزیرخارجہ

اسلام آباد۔30مارچ (اے پی پی) وزیر خارجہ شاہ محمود قریشی آکھیا جو چین ماضی اچ وی اساݙا پراعتماد دوست ہئی اتے مستقبل اچ وی رہسی، چین یوکرین اچ امن تے استحکام کیتے سفارتکاری اتے ڈائیلاگ بارے او آئی سی دے اقدام اچ تعاون ݙیوݨ تے آمادگی ظاہر کیتی اے۔ چینی وزیرخارجہ نال ملاقات دے بعد میڈیا نال ڳالھ مہاڑ کریندیں وہئیں انہاں آکھیا جو چین دے وزیر خارجہ ولوں نشابر سنیھا ملیے جو چین ماضی اچ وی اساݙا پر اعتماد دوست ہئی اتے مستقبل اچ وی رہسی۔ انہاں آکھیا جو چین کیتے پاکستان دی سالمیت اتے خومختاری ٻہوں اہم اے۔ چینی وزیر خارجہ ، پاکستان کیتے کمرشل لونز دے رول اوور تے آمادگی ݙکھائی اے۔ ایں بارے حکام دی سطح تے ضابطے دی کاروائی جاری اے جئیں دی تکمیل تے اوندا اعلان کیتا ویسی۔ انہاں آکھیا جو وزیر توانائی ولوں عالمی سطح تے ڈیزل دی ڳھٹکی دے خدشہ پاروں چین پاکستان دی لوڑھ دا خیال رکھݨ دا یقین ݙوائے۔

مضمون کا ماخذ : estatisticas dupla sena

متعلقہ مضامین