این سی او سی دا یکم توں 14 فروری تئیں گھر گھر ویکسینیشن مہم “ہر پاکستانی کورونا سے محفوظ” شروع کرݨ دا اعلان

اسلام آباد۔1فروری(اے پی پی)نیشنل کمانڈ اینڈ آپریشن سنٹر (این سی او سی) کورونا توں بچݨ کیتے یکم توں 14 فروری تئیں گھر گھر ویکسینیشن مہم “ہر پاکستانی کورونا سے محفوظ” شروع کرݨ دا اعلان کیتے جیندے اچ 12 سال توں ودھ عمر دے لوکاں کوں ویکسین لگسی۔ مہم اچ 55 ہزار توں ودھ ویکسی نیشن ٹیماں گھر گھر ونڄ تے ویکسین لیسن۔ اسلام آباد اچ پریس کانفرنس کریندے وفاقی وزیر اسد عمر آکھیا جو لوک مہم اچ حصہ ڳھنن اتے تعاون کرن۔ انہاں آکھیا جو اومی کرون دا کھنݙݨ ودھ ویکسی نیشن آلے علاقیاں اچ ڳھٹ اے، مہم اچ 3 کروڑ 50 لکھ لوکاں کوں ویکسین لڳسی، ایں سانڳے ویکسی نیشن دا مکمل کورس لازمی اے، پہلی خوراک آلے تیکھے ݙوڄھی خوراک ڳھنن، اتے ݙو خوراکاں آلے بوسٹر لواون۔ ایں موقع تے معاون خصوصی صحت ڈاکٹر فیصل سلطان آکھیا جو لوک مہم اچ ویکسین آلیاں موبائل ٹیماں دا ہتھ ونݙاون، مہم نال کرونا توں بچاو اچ مدد ملسی اتے وائرس کھنݙݨ اچ کمی آسی، اے ویکیسن اتے بوسٹر شاٹس مفت ݙتیاں وینداں پین۔

مضمون کا ماخذ : estratégias dupla sena

متعلقہ مضامین