بھارت مقبوضہ کشمیر دے حالات متعلق دنیا کوں کوڑ مریندا پئے ،وزیراعظم عمران خان جنرل اسمبلی اجلاس اچ کشمیر دے سفیر دی حیثیت نال دنیا کوں بھارت دا اصل چہرہ ڈکھیسن،وزیر خارجہ شاہ محمود قریشی

نیویارک ۔ 23 ستمبر (اے پی پی) وزیر خارجہ شاہ محمود قریشی آکھیے جو کشمیری وفد مقبوضہ کشمیر دی تازہ ترین صورت حال بارے ڈسائے ،بھارت مقبوضہ کشمیر دے حالات متعلق دنیا کوں کوڑ مریندا پئے ،وزیراعظم عمران خان اقوام متحدہ دی جنرل اسمبلی دے اجلاس اچ کشمیر دے سفیر دی حیثیت نال پوری دنیا کوں بھارت دا اصل چہرہ ڈکھیسن ، توقع اے جو وختی اقوام متحدہ دے مبصر مقبوضہ وادی اچ بھجوائے ویسن ، کشمیر دا مسئلہ ساریں توں پہلے تے افضل اے ۔ کشمیری رہنما غلام نبی فائی اتے وفد دے بئے ارکان دے رلے میڈیا نال گال مہاڑ کریندے ہوئیں شاہ محمود قریشی آکھیا جو مقبوضہ کشمیر ایں وقت دنیا دی ساریں توں وڈی جیل اچ تبدیل تھی گے ،ہسپتال سکول تے مواصلاتی ذرائع بند ہن ،بھارت سڑکاں تے خالی سکول بساں دی تصویر بنڑا تے کوڑا پراپیگنڈہ کریندا پئے لیکن دنیا بھارت دی اصلیت کوں جانڑ گئی اے ۔انہاں آکھیے جو کشمیر نینگر جدوجہد آزادی کیتے پر عزم ہن ، بھارت مقبوضہ کشمیر اچ پنچائت بنڑا تے بی جے پی دے سیل قائم کر ڈتن تاں جو اکثریت کوں اقلیت اچ تبدیل کرنڑ دی کوشش کیتی ونج سگے ۔انہاں آکھیے جو کشمیری وفد اتھاں دی تازہ ترین صورتحال بارے ڈسائے تاں جو اقوام متحدہ دی جنرل اسمبلی نال خطاب دے دوران وزیراعظم عمران خان دنیا کوں انہاں حالات بارے ڈسیسنن ۔ انہاں آکھیے جو مودی اپنڑاں سیاہ چہرہ دنیا کوں ڈکھا نی سگدا ، اج مغربی ذرائع ابلاغ ، انسانی حقوق دے ادارے اتے یورپی یونین اینکوں بے نقاب کریندے پن ۔انہاں آکھیے جو مودی سمجھدے جو ہوسٹن اچ ہک جلسہ کرتے او دنیا کوں گمراہ کر گھنسے لیکن اینکوں میدان اچ ہزاراں لوکاں نریندر مودی دے اقدامات تے قابض فوج دے ظلم دے خلاف نعرے بازی کیتی اے تے پر امن احتجاج دے ذریعے گو مودی گو دے نعرے لاتن ۔

مضمون کا ماخذ : نتیجہ بہت زیادہ

متعلقہ مضامین