لاہور۔25اگست(اے پی پی) نگران وزیراعلی ٰپنجاب محسن نقوی نال برطانیہ دی ہائی کمشنر جین میریٹ ملاقات کیتی، وزیراعلیٰ پاکستان اچ ذمہ واریاں سنبھالݨ تے برطانوی ہائی کمشنر کیتے نیک خواہشات دا اظہار کیتے۔ترجمان موجب سانجھی دلچسپی دے امور،برطانیہ اتے پنجاب حکومت وچال تعلیم، صحت، ثقافت، افسراں دی ٹریننگ اتے ٻئے شعبیں اچ تعاون ودھاݨ تے ڳالھ مہاڑ کیتی ڳئی جݙاں جو سانحہ جڑانوالہ تے اڳوں ایہو سویں واقعات کوں روکݨ کیتے حکمت عملی تے وی ڳالھ مہاڑ تھئی ۔ وزیراعلیٰ آکھیے جڑانوالہ اچ ٻہوں افسوسناک واقعہ پیش آئے ،پنجاب حکومت وختی کاروائی کریندے ہوئیں مرکزی ملزماں سودھے ٻئے شر پسنداں کوں گرفتار کیتے،5چرچ بحال کرݙتے ڳئن جݙاں جو ٻئیں تے کم تکھے جاری اے ۔ انہاں آکھیے تاریخ اچ پہلی واری چرچ اچ پنجاب کابینہ دا اجلاس تھئے تے متاثرین کیتے 20لکھ روپے فی کس مالی امداد دی منظوری ݙتی ڳئی جݙاں جو 60 توں ودھ متاثرین کوں مالی امداد ݙتی ڳئی اے ۔ انہاں آکھیے سارے مسلم سکالرز مسیحی برادری نال مکمل یکجہتی دا اظہار کیتے ،اساں ایجھے واقعات روکݨ کیتے جامع حکمت عملی تے کم کریندے پیوں ،زراعت دی ترقی خصوصاسیڈ ٹیکنالوجی دے حوالے نال برطانوی معاونت دا خیرمقدم کریسوں ۔برطانوی ہائی کمشنر آکھیے سانحہ جڑانوالہ تے پنجاب حکومت دے وختی تے مثبت کردار دی تعریف کریندوں ،پنجاب حکومت نال مختلف شعبیں اچ تعاون جاری رکھیسوں ۔ صوبائی وزیراطلاعات عامر میر، چیف سیکرٹری، انسپکٹر جنرل پولیس، برطانوی پولیٹیکل قونصلرژوئے ویئر، پنجاب اچ برطانیہ دی نمائندہ کلارا سٹرنڈھوج اتے پولیٹیکل ایڈوائزر طلال رضا وی ایں موقع تے موجود ہن ۔
.jpg)
.jpg)
