اساݙی بہادر فوج 57 سال پہلے پاک سرزمین تے حملہ کرݨ آلے دشمن دے عزائم خاک اچ ملا ݙتے، وزیراعظم شہباز شریف

اسلام آباد۔6ستمبر (اے پی پی) وزیر اعظم محمد شہباز شریف 6 ستمبر دے شہدا کوں خراج عقیدت پیش کریندیں ہوئیں آکھیا جو اساݙی بہادر فوج 57 سال پہلے پاک سرزمین تے حملہ کرݨ آلے دشمن دے عزائم خاک اچ ملا ݙتے۔ پوری قوم انہاں شہیداں اتے غازیاں کوں سلام پیش کریندی اے۔ اڄ ستمبر اچ ہک واری ولا قوم آپݨے چھل متاثرین دے مدد کیتے ایں جذبے نال ہک جان اتے ݙو قابل ٻݨی اے۔ منگل کوں وزیراعظم پاک فوج دے بہادر سپوتاں کوں خراج تحسین پیش کرݨ کیتے وفاقی دارالحکومت اچ واقع پاکستان مانومنٹ اچ یادگار شہدا تے پھلاں دی چادر چڑھاوݨ دے بعد ڳالھ مہاڑ کریندیں ہوئیں آکھیا جو پوری قوم آپݨے شہیداں اتے غازیاں کوں سلام پیش کریندی اے جنہاں اڄ توں 57 سال پہلے پاکستان تے رات دے اندھارے دشمن دے بزدلانہ حملے تے لاالہ الااللہ دا ورد کریندیں ہوئیں دشمن دا دیوانہ وار مقابلہ کیتا اتے آپݨے خون نال پاکستان دی سرحداں دی حفاظت کیتی۔ وزیراعظم آکھیا جو اڄ ولا سیلاب توں متاثرہ لوکاں دی مدد کیتے پوری قوم ہک جان ݙو قالب اے، نہ کوئی پنجابی،نہ سندھی،نہ پٹھان،نہ بلوچی،نہ بلتی اتے نہ کشمیری اے بلکہ مسلمان اتے پاکستانی وانڳوں ہک لڑی اچ پرو ڳئن۔ ایں بارش اتے چھل دا ݙینھ رات مقابلہ کریندے پئن۔

مضمون کا ماخذ : بہت سے نتائج

متعلقہ مضامین