اسلام آباد۔25فروری (اے پی پی) چیئرمین سینیٹ محمد صادق سنجرانی دا سابق سینیٹر تے سینئر سیاستدان ڈاکٹر عبدالحئی بلوچ دے ٹریفک حادثے اچ جاں بحق تھیوݨ تے افسوس کیتے۔ سینٹ سیکرٹریٹ دے مطابق آپݨے تعزیتی بیان اچ انہاں آکھیا جو مرحوم ڈاکٹر عبدالحئی دی سیاسی تے سماجی خدمات کوں ہمیش یاد رکھیا ویسی۔ انہاں دعا کیتی جو اللہ تعالیٰ مرحوم کوں آپݨے جوار رحمت اچ ڄاہ ݙیوے اتے انہاں دے ٹٻر کوں اے صدمہ برداشت کرݨ دی ہمت ݙیوے۔