ججز تقرری دے معاملے تے بار کونسلزکوں کئی واری دعوت ݙتی ، انہاں کیتے ہݨ وی ڳال مہاڑ دے دروازے کھلیے پئن ، چیف جسٹس گلزار احمد دا فل کورٹ ریفرنس توں خطاب

اسلام آباد۔13ستمبر (اے پی پی):چیف جسٹس آف پاکستان جسٹس گلزار احمد آکھیے جو ججز تقرری دے معاملے تے بار کونسلز دے صدور کوں کوئی واری دعوت ݙتی ،بار کونسلز اتے وکلا کیتے ہݨ وی دروازے کھلیے پئن ، اے ڳال چیف جسٹس گلزار احمد سنوار کوں اتھاں سپریم کورٹ اچ نویں عدالتی سال دے آغاز تے منعقدہ فل کورٹ ریفرنس توں خطاب اچ آکھی اے ۔ چیف جسٹس گلزار احمد دی سربراہی اچ تھیوݨ آلے فل کورٹ ریفرنس اچ جسٹس قاضی فائز عیسیٰ دے علاؤہ عدالت عظمی دےسارے معزز جج صاحبان شریک تھئے ،جسٹس قاضی فائز عیسیٰ ٻاہرلے ملک ہووݨ پاروں شریک نہ تھی سڳیے ۔ فل کورٹ ریفرنساچ وائس چیئرمین پاکستان بار کونسل خوشدل خان دی جاہ سابق وائس چیئرمین پاکستان بار کونسل سید امجد شاہ ، صدر سپریم کورٹ بار ایسوسی ایشن لطیف آفریدی دی جاہ سیکرٹری سپریم کورٹ بار احمد شہزاد رانا اتے اٹارنی جنرل خالد جاوید خان سودھے سارے لا افسران ، سینیر وکلا اتے دفتری عملے شرکت کیتی ۔ چیف جسٹس آف پاکستان جسٹس گلزار احمد فل کورٹ ریفرنس توں خطاب کریندے ہوئیں آکھیے جو گزریل سال ہر لحاظ توں پاکستان سودھے دنیا کیتے اوکھا سال ہئی ،کورونا وائرس دی وبا پاروں مقدمات کوں نمٹاوݨ دے رستے اچ ٻہوں ساری مشکلات دا سامݨا رہیا وبا دے باوجود عدالتاں دا در عوام کیتے کھلا رکھیا ۔

مضمون کا ماخذ : jogos de azar no Brasil

متعلقہ مضامین