ڳھٹ آمدݨ آلے طبقے سانگے پناہ گاہواں بݨاوݨ وزیراعظم عمران خان دا انقلابی قدم،پناہ گاہواں دی جدید طرز تے تشکیل نو دا فیصلہ

اسلام آباد۔24نومبر (اے پی پی):وزیراعظم عمران خان ولوں ڳھٹ آمدݨ آلے طبقے سانگے پناہ گاہواں بݨاوݨ ہک انقلابی قدم اے جئیں نال ایجھے ڳھٹ آمدݨ آلے طبقے فائدہ چیسن جیڑھے جو رات کوں فٹ پاتھ یاکھلے آسمان تلوں زندگی گزریندن۔ سخت موسمی حالات اچ زندگی گزارݨ آلیاں سانگے اے کم ریاست مدینہ دے ماڈل دی ہک مثال اے جتھاں غریب طبقے دے حقوق دے تحفظ حکومت دی بنیادی ذمہ واری اے۔درحقیقت ملک دی تاریخ اچ پہلی واری ہک حکومت آپݨٰ عوام دا ایں طریقے نال خیال رکھیندی پئی اے۔پناہ گاہواں اچ لکھاں ایجھے بندیاں کوں سہولت ݙتی ویندی پئی اے جیڑھے جو یومیہ اجرت تے کم کریندن۔انہاں کوں ون سٹار ہوٹل دے برابر مفت رہائش اتے کھاوݨ پیوݨ ڈتا ویندا پئے۔پناہ گاہ بݨاوݨ دا اے منصوبہ پاکستان تحریک انصاف ولوں کیتے ڳے کماں اچوں ہک اے جو تحریک انصاف دے انتخابی منشور دے ہک اتے وعدہ پوراکرݨ دا اظہار وی اے۔پاکستان بیت المال وزیراعظم عمران خان دے ریاست مدینہ دے نمونے دے تحت پاکستان کوں فلاحی ریاست بݨاوݨ دے وژن دے مطابق پناہ گاہواں دی جدید طرز تے نویں سروں تشکیل کرݨ دا فیصضہ کیتے۔وفاقی حکومت دے احساس پروگرام دے نال شروع کیتے ڳئے ایں منصوبے دے تحت ضرورت منداں کوں پناہ گواہواں اچ عارضی رہائش ݙیوݨ دے نال سویل دا ناشتہ اتے رات دا کھاوݨ وی ݙتا ویندے۔ایں مںصوبے نال ایجھےشہری فائدہ چا سڳسن جنہاں ݙے شہر یا دیہات اچ آپݨا گھر کائنی یا او روزگاردے سلسلے اچ آپݨے گھراں توں پرے رہندے پئن۔بے روزگار مزدور ،دیہاڑی دار طبقہ،غریب مسافر،مریضاں دی ݙیکھ بھال سانڳے آوݨ آلے بندے اتے طلباء وغیرہ ایں سہولت توں فائدہ چا سڳسن۔49.5 ملین روپے دی لاگت نال ایں پروگرامن ایں سال شروع کیتا ڳیا ہئی اتے پہلے مرحلے اچ ایں دا دائرہ کاراسلام آباد تئیں محدود رکھیا ڳئے۔ایں منصوبے نال ہݨ تئیں ہک لکھ 30 ہزار 191 شہری فائدہ چا ڳھدے۔ ایں منصوبے نال پناہ گاہواں ایجھی ڄاہ تے بݨائی ویسن جتھاں ماحول دوست موسم مل سڳے۔عارضی یا نیم عارضی وسیع تے عریض عمارت، رہائش گاہ اچ فضا دا اخراج، سوکھی رسائی اتے ہر کمرے اچ ڳھٹ توں ڳھٹ 15 توں 20 بندے رہائش کر سڳن،پناہ گاہواں سانڳے عمارتاں ریاستی زمین یا عطیہ کیتی ڳئی زمین تے وی بݨائی ویسن۔ہر پناہ گاہ اچ سو ضرورت منداں کوں ناشتے دے نال نال رہوݨ دا وی اہتمام کیتا ویسی۔ہر پناہ گاہ سنٹر اچ 400 بندیاں دے کھاوݨ دی گنجائش ہوسی۔پناہ گاہ اچ ضرورت منداں کوں چووی ڳھنٹے ابتدائی طبی امداد دی سہولت وی ہوسی۔لوڑھ پووݨ تے نیڑے دے ہسپتال توں طبی امداد وی ݙتی ویسی۔پناہ گاہ اچ صحت مند ماحول رکھݨ سانڳے پیوݨ دے صاف پاݨی دی فراہمی، واش رومز اتے باتھ رومز دے نال صفائی دا وی خاص خیال رکھیا ویسی۔

مضمون کا ماخذ : لاٹری جیتنے کے طریقے

متعلقہ مضامین