دوحه – 30 – آڪٽوبر (اي پي پي) وزيراعظم محمد شهباز شريف چيو آهي ته قطر جي خصوصي دوري دوران پنهنجي ڀائراڻن لاڳاپن کي وڌيڪ وڌائڻ جي لاءِ قطري قيادت سان لاڀائتن خيالن جي ڏي وٺ جو منتظر آهيان. سوشل ميڊيا ايڪس تي پنهنجي پوسٽ ۾ هن چيو ته قطر جي امير شيخ تميم بن حماد الثاني جي دعوت تي دورحه پهتو آهيان. ان خصوصي دوري دوران پنهنجي ڀائراڻن لاڳاپن کي وڌيڪ وڌائڻ جي لاءِ قطري قيادت سان نتيجاخيز خيالن جي ڏي وٺ جو منتظر آهيان. هن چيو ته قطر ميوزيم ۾ پاڪستان جي ثقافتي ورثي کي اجاگر ڪندڙ خصوصي نمائش جو پڻ افتتاح ڪندس.