تاجر برادری ملکی ترقی کیتے ریڑھ دی ہڈی دی حیثیت رکھدی اے،نیب دے در تاجر برادری کیتے کھلیے ہوئن،اساں”نومورکرپشن“دے عزم نال ٹردے پئے ہیں،قومی احتساب بیورو دے چیئرمین جسٹس (ر) جاوید اقبال دی پریس کانفرنس
APP25-06
LAHORE: October 05 - Chairman NAB, Justice (Retd) Javed Iqbal addressing at NAB Headquarters. APP
اسلام آباد ۔ 6 اکتوبر (اے پی پی) قومی احتساب بیورودے چیئرمین جسٹس (ر) جاوید اقبال آکھیے جو تاجر برادری ملکی ترقی کیتے ریڑھ دی ہڈی دی حیثیت رکھدی اے،نیب دے در تاجر برادری کیتے کھلیے ہوئن،اساں”نومورکرپشن“دے عزم نال ٹردے پئے ہیں،بزنس کمیونٹی دے مسائل حل کرنڑ کیتے نیب ہیڈکوارٹرز اتے سارے علاقائی دفاتر اچ خصوصی سیل بنڑائے گین،بزنس کمیونٹی دے نمائندیاں دی 4 رکنی کمیٹی بنڑائی ویسی ،اے مشاورتی کمیٹی ن??ب نال بزنس کمیونٹی دے مسلے حل کرنڑ کیتے صلاح کریسی ۔انہاں آکھیے جو نیب بزنس کمیونٹی دے انکم ٹیکس، سیلز ٹیکس دے مقدمات ایف بی آر کوں بھیجسی،نیب بینکاں دے قرض دہندگان دے خلاف ازخود اختیارات دے تحت کارروائی ن?? کریسی،ایندے تے کارروائی بینکنگ کورٹ کریسی،نیب تے تنقید کرنڑ آلے ایندی کارکردگی دی وی تعریف کرن تاں کوئی گالھ بنڑے،بغیر کجھ جانڑیے گالھ کرنڑ،تنقید کرنڑ سوکھا اے، میڈے در ہو ویلھے کھلیے ہین،جڈاں مرضی لوک آون اپنڑی شکایت ڈیون، ایندے تے عمل تھیسی۔اے گالھ انہاں ہک پریس کانفرنس اچ آکھی۔انہاں آکھیے جو نیب تے تنقید تھیسی تاں ایندا ولدا ڈیونڑساڈاحق اے،نیب ملک لٹنڑ اتے غریباں دا مال لٹ تے ملک چھوڑ ونجنڑآلیاں کوں نہ چھڑیسی،جیہڑا مال ولا ڈیسی،اوندے خلاف کارروائی ن?? کریسوں۔انہاں آکھیے جو کرپشن پاروں ملکی معیشت بڈدی ویندی اے، جڈاں معیشت تکڑی تھیسی تاں ملکی دفاع وی مضبوط تھیسی اتے ملک مستحکم تھیسی،نیب دی وجہ نال تاجر برادری کوں کوئی اوکھ نہ آسی، ایں ویلھے بدعنوانی دے بارہاں سو کیسز زیر التوا ہین جیندے اچ 900 ارب روپے دی کرپشن دی پڑتال تھیونڑی اے۔بنتی ہے،بیرون ملک فرار ملزمان دی گرفتاری اتے مال برآمدگی اچ نیب کوں اوکھ تھیندے، ایں تجویز گھن تے حکومت نال رجوع کریسوں،مختلف ملکاں نال ڈو طرفہ معاہدیاں بارے گالھ تھیسی۔انہاں ا ٓکھیے جو نیب فیصلہ کر گھدے جو ملک توں کرپشن مکا تے راہنڑی اے جیکر کہیں کوں کرپشن تے نوٹس ملدے تاں اوندا جواب دیونڑاوندی ذمہ داری اے،جیکر کوئی ولدا نہ آسی تاں نیب ضرور کارروائی کریسی،نیب سیاسی انتقام دا نئیں،کرپشن مکاونڑ آلا عوام دوست ادارہ اے،نیب دے خلاف بے بنیاد پروپیگنڈانئیں تھیونڑا چاہیدا۔
