نیویارک۔19ستمبر (اے پی پی) وزیر خارجہ جلیل عباس جیلانی اقوام متحدہ دی جنرل اسمبلی دے 78 ویں اجلاس دے موقع تے متحدہ عرب امارات دے وزیر خارجہ شیخ عبداللہ بن زید النہیان نال ملاقات کیتی۔ اقوام متحدہ اچ پاکستانی مشن دے مطابق نیویارک اچ ݙوہیں ملکاں دے وزراء خارجہ برادرانہ تعلقات کوں ٻیا ودھاوݨ دا عزم کیتا۔ انہاں مختلف شعبیاں اچ تعاون کوں ودھاوݨ تے اتفاق کیتا۔ ملاقات اچ متحدہ عرب امارات دے پاکستان اچ سرمایہ کاری دے مختلف منصوبیاں تے وی ڳالھ کیتی ڳئی۔