اسلام آباد۔1اگست(اے پی پی) وفاقی وزیرداخلہ محسن نقوی اسلام آباد دے ترقیاتی منصوبیں دے طوفانی دورے کیتن، وزیر داخلہ محسن نقوی 3 منصوبیں دے رات دیر تئیں چار گھنٹے دورے کیتن ۔ چیف کمشنر اسلام آباد و چئیرمین سی ڈی اے محمد علی رندھاوا وفاقی وزیرداخلہ محسن نقوی کوں بریفنگ ݙتی۔ وزیر داخلہ محسن نقوی اسلام آباد ایکسپریس وے تے پارک روڈ پروجیکٹس تے کم دی رفتار دا جائزہ ڳھدا ۔ وزیر داخلہ جناح کنونشن سنٹر دے اپ گریڈیشن دے کم دا وی معائنہ کیتے۔وفاقی وزیرداخلہ محسن نقوی ایکسپریس وے دے 7۔6 کلو میٹر لمبے روٹ دا دورہ کیتے اتے بھنڈر پل تے جاری تعمیراتی کماں دا معائنہ کیتا۔ وفاقی وزیر داخلہ پی ڈبلیو ڈی چوک توں ٹی چوک تئیں ایکسپریس وے پروجیکٹ کوں 2 مہینے اچ 100 فیصد مکمل کرݨ دا حکم ݙتا تے ایکسپریس وے پروجیکٹ کوں کنٹرولڈ کوریڈور بݨاوݨ دا پلان وی منگ ڳھدا ۔ ایف ڈبلیو او دے حکام منصوبے دی پیش رفت تے بریفنگ ݙتی۔ وزیرداخلہ محسن نقوی ایف ڈبلیو او دے کیمپ آفس دے لان اچ شجرکاری مہم دا ٻوٹا رادھا ۔ وزیرداخلہ محسن نقوی 2۔7 کلو میٹر لمبی پارک روڈ دی تعمیرتے اینکوں وݙا کرݨ دے پروجیکٹ دا جائزہ ڳھدا تے منصوبے کوں ستمبر توں پہلے مکمل کرݨ دی ہدایت کیتی ۔ محسن نقوی کم اچ ٹریفک دی ٻئے روٹس تے منتقلی دا پلان منگدے ڈی آئی جی آپریشنز اتے ایس ایس پی ٹریفک کوں منصوبے دا دورہ کرتے قابل عمل پلان وضع کرݨ دی ہدایت کیتی ۔ وزیرداخلہ محسن نقوی جناح کنونشن سنٹر اچ جاری اپ گریڈیشن دے کم دا معائنہ کیتا اتےجناح کنونشن سنٹر دے مختلف شعبیں دا وزٹ کیتے ۔ وزیرداخلہ محسن نقوی اپ گریڈیشن پروجیکٹ کوں وختی تے اعلی معیار نال مکمل کرݨ دا حکم ݙتا
