سپیکر قومی اسمبلی راجہ پرویز اشرف نال پاکستان فیڈرل یونین آف جرنلسٹس (دستور) دے نمائندہ وفد دی ملاقات

اسلام آباد۔20مارچ (اے پی پی) سپیکر قومی اسمبلی راجہ پرویز اشرف نال پاکستان فیڈرل یونین آف جرنلسٹس (دستور) دے نمائندہ وفد پارلیمنٹ ہاؤس اچ ملاقات کیتی ۔ سپیکر قومی اسمبلی پاکستان فیڈرل یونین آف جرنلسٹس دے نمائندیں نال ڳالھ مہاڑ کریندے ہوئیں آکھیے جو ملک کوں موجودہ سیاسی بحران توں کڈھݨ کیتے کردار ادا کرݨ سانڳے تیار ہاں ،پارلیمنٹ ہی واحد ادارہ اے جتھاں ملکی مسئلیں کوں حل کیتا ونڄ سڳدے ۔سپیکر قومی اسمبلی آکھیے ہمیشہ توں سݨدے آندے ہاسے جو پاکستان اوکھے دور توں لنگھدا پئے ،پاکستان واقعی ھک اوکھے دور توں گزردا پئے ۔ انہاں آکھیے صحافت دا شعبہ ہی رائے عامہ کوں ہموار کرݨ دا واحد ذریعہ اے،اساکوں ساریاں ڳالھیں پچھوں رکھ تے پاکستان کیتے سوچݨ دی لوڑھ اے ۔ بطور سپیکر میں ساریاں سیاسی قوتاں دے درمیان مفاہمت کیتے آپݨی خدمات پیش کرݨ سانڳے تیار ہاں ،وطن عزیز دی بقا دی خاطر سیاستدان کوں آپݨی ضد چھوڑݨی ہوسی ،صحافیاں دے مسئلیں کوں قائمہ کمیٹی برائے اطلاعات و نشریات اچ سݨیا ویسی ،صحافت دے معیار کوں قائم رکھݨ صحافیاں دی ذمہ واری ہے،یوم صحافت کوں پارلیمنٹ دے پلیٹ فارم تے منایا ویسی ،19 نومبر کوں پاکستان اچ صحافتی تنظیماں کوں پارلیمنٹ ہاؤس اچ سݙیا ویسی ۔

مضمون کا ماخذ : como apostar na mega sena

متعلقہ مضامین