پاکستان اپݨے بیلسٹک میزائل پروگرام توں مبینہ رابطے تے تجارتی اداریں تے پابندیاں لاوݨ دے امریکی فیصلے کوں متعصبانہ اتے سیاسی محرک قرارݙیندے ،ترجمان دفتر خارجہ ممتاز زہرہ بلوچ

اسلام آباد۔14ستمبر(اے پی پی) دفتر خارجہ دی ترجمان ممتاز زہرہ بلوچ آکھیے پاکستان اپݨے بیلسٹک میزائل پروگرام توں مبینہ رابطے تے تجارتی اداریں تے پابندیاں لاوݨ دے امریکی فیصلے کوں متعصبانہ اتے سیاسی محرک قرارݙیندے ۔ پاکستان دے بیلسٹک میزائل پروگرام توں مبینہ رابطے تے تجارتی اداریں تے پابندیاں لاوݨ دے امریکی فیصلے بارے میڈیا دے سوالاں دے جواب اچ انھاں آکھیے ماضی اچ وی تجارتی اداریں دی ایں طرح دیاں فہرستاں محض شک تے بݨائیاں ڳیاں ہن ، انھاں اچ ایجھیاں چیزاں شامل ہن جیڑھیاں کہیں وی ایکسپورٹ کنٹرول ریجیم دی طرفوں فہرست اچ شامل کائناں ہن تے ول وی انھاں کوں وسیع تے سخت شقاں دے تحت حساس سمجھیا ویندا ہئی ۔ اے ڳالھ ساریں کوں پتہ اے جو کجھ ملکاں جوہری عدم پھیلائو دے اصولاں تے سختی نال عمل کرݨ دا دعوی کریندے آپݨی پسندیدہ ریاستاں کوں جدید فوجی ٹیکنالوجی سانڳے لائسنسنگ دیاں شرطاں سوکھیں ختم کرݙتن ۔ ترجمان آکھیے ایں طرح دے ݙوڑے معیار تے امتیازی طرز عمل عالمی عدم پھیلائو حکومتاں دی ساکھ کوں کمزور کریندن، فوجی عدم مساوات اچ اضافہ کریندن تے بین الاقوامی امن و سلامتی کوں خطرے اچ پیندن۔

مضمون کا ماخذ : لاٹری کا حساب

متعلقہ مضامین