وزیر ریلویز خواجہ سعد رفیق دی نجی شعبے کوں مال گاڈیاں چلاونڑ دی پیشکش

اسلام آباد ۔ 27 مارچ (اے پی پی) پاکستان ریلویز مسافر ریل گاڈیاں دے بعد مال گاڈیاں کوں وی بیا فعال بنڑاونڑ دا فیصلہ کیتے، اتے ایں بارے مختلف تجویزاں اُتے غور کیتا ویندا پئے ۔ ذرائع دے مطابق وزیر ریلویز خواجہ سعد رفیق نجی شعبے کوں سارے ملک توں مال گاڈیاں چلاونڑ دی پیشکش کیتی ہے ۔ ترائے سال پہلے مال گاڑیاں کیتے صرف8توں 9انجنڑ موجود ہن ، جڈانجو ہنڑ مجموعی طور تے 290آپریشنل انجنڑاں اچوں 180مال گاڈیاں کیتے موجود ہن ۔ پاکستان ریلویز کولوں جدید امریکی انجنڑ وی موجود ہن ،جیہڑے جو مجموعی طور تے 3400ٹن لوڈ دے نال تیز رفتاری نال منزل اُتے پج سگدے ہن ۔ ریلویز کوں سرکاری تے نجی سانجھے داری نال اگوں ودھاونڑ کیتے مختلف تجویزاں اُتے غور کیتا ویندا پئے ۔ پاکستان ریلویز ہنڑ آپنڑیاں بیا 2ریل گاڈیاں سرکاری نجی سانجھے داری کیتے پیش کریندا پئے ۔ ایندے نال معیشت، کاروباری شعبے اتے ریلوے کوں ہکو سنواں فیدہ تھیسی اتے اے سانجھے داری ریلوے دی بحالی اچ اہم کردار ادا کریسی ۔

مضمون کا ماخذ : raspadinha caixa

متعلقہ مضامین