پاڪستان ۽ يورپي يونين پارلياماني پاران تعاون وڌائڻ تي اتفاق، مملڪتي وزير حنا رباني جون يورپي يونين جي عهديدارن سان ملاقاتون

برسلز – 15 – جون (اي پي پي) پاڪستان ۽ يورپي يونين پارلياماني تعاون وڌائڻ تي اتفاق ڪيو آهي، ان حوالي سان مفاهمت پرڏيهي معاملن واري مملڪتي وزير حنا رباني کر ۽ يورپي يونين ڏکڻ ايشيا بابت وفد جي ملڪن سان لاڳاپن جي سربراهه نڪولا پروڪاسيني جي وچ ۾ برسلز ۾ ملاقات دوران طئي ٿي. پرڏيهي آفيس پاران جاري بيان موجب مملڪتي وزير حنا رباني کر زور ڏنو آهي ته ڏکڻ ايشيا ۾ استحڪام عالمي امن جي لاءِ لازمي آهي، مملڪتي وزير ڏکڻ ايشيا بابت ٽريڊ مانيٽرنگ جي نمائندي ۽ انساني حقن جي سب ڪميٽي جي ميمبر ڪراميڪس سان پڻ نتيجاخيز خيالن جي ڏي وٺ ڪئي. هن يورپي پارليامينٽ جي نائب صدر ۽ نئين جي ايس پي پلس جي نمائندي هيڊي بائوتالا سان پڻ ملاقات ڪئي. ان موقعي تي ڳالهه ٻولهه ڪندي هن چيو ته جي ايس پي پلس پائيدار ترقي جي هدفن جي لاءِ هڪ موثر ذريعو آهي. ان جو پاڪستان ۽ يورپي يونين جي وچ ۾ واپار خاص طور تي نوڪرين جي موقعن، روانگي واپار ۾ اضافي ۽ ٺوس ترقي تي تمام گهڻو اثر پوي ٿو. حنا رباني کر انٽرنيشنل ٽريڊ ڪميٽي جي سربراهه برنڊ لينج سان پڻ ملاقات ڪئي ۽ ايندڙ جي ايس پي پلس اسڪيم ۽ پاڪستان جي موقف تي خيالن جي ڏي وٺ ڪئي. انساني حقن جي ذيلي ڪميٽي جي وائيس چيئرمين يورپي پارليامينٽ برنارڊ گوئٽا سان ملاقات ۾ مملڪتي وزير کيس ڀارت جي غيرقانوني قبضي هيٺ ڄمون ۽ ڪشمير ۾ انساني حقن جي خلاف ورزين بابت آگاهه ڪيو ۽ يوڪرين ۾ ٿيندڙ اڳڀرائي تي پڻ خيالن جي ڏي وٺ ڪئي. ٻنهي ڌرين مستقبل ۾ رابطا وڌائڻ تي اتفاق ڪيو.

مضمون کا ماخذ : پاور بال

متعلقہ مضامین