وزيراعظم پاران سڀ کان وڌيڪ ٽيڪس ادا ڪندڙ پاڪستاني قومي هيروز قرار، انهن جي لاءِ بليو پاسپورٽ ۽ پاڪستان آنرز ڪارڊ جاري ڪيو ويندو ۽ کين ملڪ جي اعزازي سفير جو درجو ڏنو ويندو: محمد شهباز شريف

اسلام آباد– 26 – مارچ (اي پي پي) وزيراعظم محمد شهباز شريف سڀ کان وڌيڪ ٽيڪس ادا ڪندڙ پاڪستانين کي قومي هيروز قرار ڏيندي اعلان ڪيو آهي ته انهن جي لاءِ بليو پاسپورٽ ۽ پاڪستان آنرز ڪارڊ جاري ڪيو ويندو ۽ وڌيڪ ٽيڪس ڏيندڙن ۽ برآمد ڪندڙن کي ملڪ جي اعزازي سفير جو درجو ڏنو ويندو، ايماندار ۽ محنتي ٽيڪس ڪوليڪٽرز جي لاءِ پڻ ايوارڊ جي تقريب منعقد ڪئي ويندي، پاڪستان کي درپيش معاشي حالتن ۽ چئلينجز کي منهن ڏيڻ جي لاءِ نجي ۽ سرڪاري شعبي کي گڏجي اڳتي وڌڻو آهي، سرخ ڦيٿي کي برداشت نه ڪيو ويندو، زراعت، آءِ ٽي روانگي واپار ۾ بهتري آڻينداسين. هو اهم ٽيڪس ڏيندڙ ماڻهن، ڪمپنين ۽ برآمد ڪندڙن جي لاءِ ايڪسي لينس ايوارڊ جي تقريب کي خطاب ڪري رهيو هو. ان موقعي تي ناڻي واري وفاقي وزير محمد اورنگزيب، ايف بي آر چيئرمين ملڪ امجد زبير ٽوانه، پاڪستان فيڊريشن آف چيمبر اينڊ ڪامرس انڊسٽري جي صدر عاطف شيخ ۽ پاڪستان بزنس ڪائونسل جي صدر شبير ديوان پڻ خطاب ڪيو. وزيراعظم شرڪت ڪندڙن ۾ ايوارڊ ورهايا. تقريب کي خطاب ڪندي وزيراعظم محمد شهباز شريف چيو ته هي تقريب منعقد ڪرڻ جو واحد مقصد پاڪستان جي انهن معمارن ۽ قومي هيروز جن پنهنجي محنت جي ڪمائي مان ٽيڪس ادا ڪيو ۽ ڏينهن رات ڪوششن سان پاڪستان جي روانگي واپار ۾ نمايان اضافي جي لاءِ خدمتون سرانجام ڏنيون، پنهنجي قابليت سان سمال اينڊ ميڊيم انٽرپرائزز ۾ پاڻ کي مڃرايو، بزنس انٽرپرائيزز ۾ نمايان ڪارڪردگي رکندڙ عورتن ۽ غيرروايتي برآمدات ۾ ڪردار ادا ڪندڙن ۽ برآمدات ۽ ٽيڪس وڌائيندڙن کي قوم جي سامهون ايوارڊ ڏيڻو هو، انهن جي خدمتن جو اعتراف هو. هن چيو ته پاڪستان جي معاشي حالتن ۽ چئلينجز کي حل ڪرڻو آهي ته پرائيويٽ ۽ سرڪاري شعبي کي گڏجي اڳتي وڌڻو آهي، سرخ ڦيٿي ۽ التوا کي ختم ڪرڻو آهي، ڪاروباري طبقي جي لاءِ اهڙو سازگار ماحول ٺاهڻو آهي جنهن جي ذريعي اهي پنهنجي شعبي ۾ محنت ڪري پاڪستان کي معاشي ترقي جي ڊوڙ ۾ تيزي سان پٺتي رهجي ويندڙ فاصلن کي طئي ڪرڻو آهي، اهو تڏهن ئي ممڪن آهي جڏهن نجي شعبي کي مڪمل معاونت فراهم ڪريون. هن چيو ته ڪاروبار ڪرڻ حڪومت جو ڪم نه آهي پر حڪومت جو ڪم سازگار ماحول ۽ سهولتون فراهم ڪرڻ آهي، حڪومت جو ڪم مشاورتي عمل سان پاليسي سازي ۽ ان تي عملدرآمد ڪرڻ آهي جنهن سان پاڪستان ايندڙ سالن م ترقي جي ڊوڙ ۾ دنيا جي ٻين قومن ۾ شامل ٿئي. هن چيو ته مضبوط معيشت رکندڙ قوم جو آواز ئي ٻڌو وڃي ٿو ۽ اهو ئي مضبوط آواز هوندو آهي، ڪمزور معيشت جو آواز ڪير ناهي ٻڌندو، اڄ اهو مرحلو اچي ويو آهي ته اسان سڀني کي گڏجي درپيش مشڪلاتن ۽ چئلينجن جي حل لاءِ اڳتي وڌون ۽ ماضي جي ڪوتاهين جنهن ۾ سڀ شامل آهن، جو ازالو ڪريون. وزيراعظم تقريب ۾ شريڪ مهمانن جي آجيان ڪندي ايوارڊز وصول ڪرڻ تي انهن کي مبارڪباد ڏني. هن چيو ته مهانگو تيل درآمد ڪري بجلي جي پيداوار کي ترتيبوار ختم ڪرڻو پوندو، اسان وٽ سرديءَ جي موسم ۽ گرمي جي موسم ٻنهي ۾ سرپلس بجلي آهي، پنهنجي پيداوار وڌائڻ جي لاءِ ان کي صنعت کي ڏيڻو پوندو، پنهنجي لاسز کي گهٽ ڪرڻو پوندو. هن چيو ته ايف بي آر جي نئين سر جوڙجڪ ڪرڻي آهي، اپريل ۾ ان حوالي سان ڪنسلٽنٽ مقرر ٿي ويندو، ان کي مڪمل طور تي ڊيجيٽائيز ڪرڻ جي لاءِ وقت گهربل آهي، هلندڙ سال اوڳاڙين جي وصولي 9 کرب روپيا آهي جيڪا مجموعي جي ڊي پي جي 9 سيڪڙو تائين آهي جيڪي خطي ۾ سڀ کان گهٽ آهي، وڌيڪ ٽيڪس لڳائڻ فائديمند نه آهي، ٽيڪس سليب ۾ گهٽتائي جي ضرورت آهي جڏهن ته ان ۾ موجود ڪوتاهيون ختم ڪرڻيون پونديون، ان جي لاءِ جدت رکندڙ ٽيڪس قدمن جي ضرورت آهي، 2700 ارب رپيا ڪيسن جي ڪري التوا ۾ آهن، اسان ٽربيونلز ۾ ايماندار ماڻهو کڻي اچون جيڪي ميرٽ تي فيصلا ڪن، سالن تائين ڪيس نه اينگهايا وڃن. وزيراعظم چيو ته وڏا ٽيڪس ڏيندڙن ۽ ايڪسپورٽرز کي ٻاهرئين ملڪ اعزازي سفير جو درجو ڏنو ويندو، سڄي دنيا ۾ پاڪستاني سفارتخانن کي ان ڏس ۾ مڪمل معاونت جي هدايت ڪئي ويندي. هن چيو ته سندس هدايت تي ايڪسپورٽرز کي 65 ارب رپين جو ريفنڊ ڏنو ويو آهي ۽ اها به هدايت ڪئي آهي ته ان ۾ ڪنهن به قسم جي دير کانسواءِ ان کي معمول جي معاملي طور اڪلايو وڃي. هن چيو ته پاليسين تي ان جي روح موجب عملدرآمد ۽ ملڪ کي ترقي جي رستي تي گامزن ڪرڻ موجوده حڪومت جو عزم آهي. هن چيو ته غيرملڪي قرضن جي جبل کي ختم ڪرڻو پوندو. هن چيو ته خصوصي سيڙپڪاري سهولت ڪائونسل سيڙپڪاري کي وڌائڻ جي لاءِ ان جي رستي ۾ ايندڙ مشلاتون ختم ڪرڻ جي لاءِ قدم کڻي رهي آهي، پاڪستان چين سان شاندار لاڳاپا رکي ٿو، چين پاڪستان اقتصادي لنگهه جي ٻئي مرحلي ۾ اقتصادي ترقي ۾ اضافو ٿيندو. هن چيو ته پي آءِ اي جي نجڪاري کانسواءِ ايئرپورٽس جي آئوٽ سورسنگ ڪئي پئي وڃي، اهي رياستي ادارا ساليانو اربين رپين جي نقصان ۾ آهن. ان موقعي تي وزيراعظم جي هدايت تي اسلام آباد پوليس جي دستي وڌيڪ ٽيڪس ڏيندڙ ماڻهن، ڪمپنين ۽ برآمد ڪندڙن کي گارڊ آف آنر پيش ڪيو.

مضمون کا ماخذ : میگا ملینز آن لائن ٹکٹ

متعلقہ مضامین