پاڪ بحريه مجموعي سيڪيورٽي ۽ سامونڊي سلامتي جي چئلينج کي منهن ڏيڻ ۽ پاڪستان جي سامونڊي حدن جي تحفظ جي لاءِ نمايان ڪردار ادا ڪري رهي آهي: صدر ڊاڪٽر عارف علوي

APP56-151222 LAHORE: December 15 - President Dr. Arif Alvi addressing the concluding session of the 5th Maritime Security Workshop 200 (MARSEW-5) held at Pakistan Navy War College. APP/TZD/MOS

اسلام آباد – 15 – ڊسمبر (اي پي پي) صدر ڊاڪٽر عارف علوي چيو آهي ته پاڪ بحريه مجموعي سيڪيورٽي ۽ سامونڊي سلامتي جي چئلينج کي منهن ڏيڻ ۽ پاڪستان جي سامونڊي حدن جي تحفظ جي لاءِ نمايان ڪردار ادا ڪري رهي آهي، پاڪ بحريه موسمياتي تبديلي جي ڪري تازي شديد ٻوڏ دوران ٻوڏ متاثرين کي علاج ۽ پهچ جي فراهمي ۾ ريليف جي لاءِ شاندار ڪردار ادا ڪيو آهي. اهڙن خيالن جو اظهار هن پاڪستان نيوي وار ڪاليج لاهور ۾ پنجين ميري ٽائيم سيڪيورٽي ورڪشاپ کي خطاب ڪندي ڪيو. ڊاڪٽر عارف علوي چيو ته هو پاڪ بحريه کي ان ڪامياب ورڪشاپ منعقد ڪرڻ تي خراج تحسين پيش ڪري ٿو، پاڪستان نيوي ملڪ جو دفاعي ادارو آهي ۽ جديد دور ۾ ان جي اهميت انتهائي اهم آهي، ساموندي جارحيت کي روڪڻ جي لاءِ هر ملڪ جي سامونڊي فوج نمايان ڪردار ادا ڪري ٿي. هن وڌيڪ چيو ته پاڪستان نيوي تازي ٻوڏ ۾ انتهائي اهم ڪردار ادا ڪيو ۽ ان پاران خاص طور تي سنڌ ۾ هنيل ڪئمپس ۾ 25 هزار خاندانن کي ريسڪيو ڪيو ويو ۽ 90 هزار کان وڌيڪ ماڻهن کي علاج جون سهولتون ڏنيون ويون. ڊاڪٽر عارف علوي چيو ته انساني حقن تي درس ڏيندڙ ملڪ سامونڊي ٻيڙن ۾ سوار افرادي قوت کي پنهنجي ملڪن ۾ روڪڻ جي لاءِ سمنڊ ۾ غرق ڪري ڇڏين ٿا جڏهن ته پاڪستان 40 لک کان وڌيڪ افغان پناهگيرن کي پناهه ڏني. صدر چيو ته پاڪستان کي گذريل سالن کان سيڪيورٽي جا مسئلا درپيش رهيا آهن ۽ اسان جي سيڪيورٽي ادارن جو ڌيان ڀارت ۽ افغانستان جي سرحد مرڪوز رهيو آهي، اهو سيڪيورٽي جو مسئلو پاڪستان قائم ٿيڻ کان ئي شروع ٿي ويو هو ڇو ته ڪشمير جي مسئلي کي جڏهن گڏيل قومن ۾ آندو ويو ته ان وقت پاڪستان ڀارت ۽ گڏيل قومون ٽئي ڪجهه عرصو اڳ وجود ۾ آيا هئا ۽ اسان کي ڪشمير مسئلي تي اعتماد ۾ ورتو ويو جنهن تي عملدرآمد اڄ تائين ناهي ٿيو. هن چيو ته هن وقت دنيا ۾ نوان اتحاد وجود ۾ اچي رهيا آهن جنهن جي لاءِ اسان کي چوڪس رهڻو پوندو ۽ اسان جي پاليسي سازن کي وقت سر اهي فيصلا ڪرڻا پوندا جيڪي ملڪ ۽ قوم جي مفاد ۾ هجن. هن وڌيڪ چيو ته ڪمزور پاليسين جي ڪري ملڪ ترقي جي راهه تي اهڙي طرح گامزن نه ٿي سگهيو جنهن جي اسان اميد ڪندا هئاسين، اسان کي جديد ٽيڪنالاجي ۽ تعليم جي شعبن تي خاص ڌيان ڏيڻو پوندو. ڊاڪٽر عارف علوي چيو ته هن وقت دنيا تيزي سان اڳتي وڌي رهي آهي تنهن ڪري اسان کي سخت محنت کي پنهنجو شعار بڻائڻ گهرجي. هن چيو ته روس ۽ يوڪرائن جي ڇڪتاڻ سان اسرندڙ ملڪ سڀ کان وڌيڪ متاثر ٿي رهيا آهن، اسان وٽ پاليسين جو تسلسل ۽ موثر عملدرآمد جي ضرورت آهي. هن چيو ته پاڪستان ۽ ويٽنام جي 90ع جي ڏهاڪي ۾ مڇيءَ جي برآمد 400 ملين ڊالر هئي جڏهن ته اڄ ويٽنام 10 ارب ڊالر ۽ پاڪستان ساڍا 5 سئو ملين ڊالر جي برآمد ڪري رهيو آهي جنهن کي وڌائڻ جي ضرورت آهي. هن چيو ته اسان کي اڳتي وڌڻ جي لاءِ نيون راهون ڳولڻ ۽ پنهنجي نوجوانن جي ترقي تي خاص ڌيان ڏيڻ جي ضرورت آهي. هن چيو ته نئين آبادياتي دور ۾ بحريه کي علائقي ۾ ڏاڍ قائم ڪرڻ جي لاءِ استعمال ڪيو ويندو رهيو ۽ سامونڊي حدون رکندڙ ملڪن کي تمام گهڻي دٻاءُ ۾ رکيو ويو، پاڪستان پنهنجي مضبوط آرمي ۽ سامونڊي فوج جي ڪري دنيا جي سامهون باوقار انداز ۾ بيٺل آهي. ان کان اڳ آجياڻي خطاب دوران ڪمانڊنٽ پاڪستان نيوي وار ڪاليج ريئر ايڊمرل جاويد اقبال بليو اڪانومي کي فروغ ڏيڻ ۾ ميري ٽائيم سينٽر آف ايڪسي لينس (پي اين وار ڪاليج ۾ ٿنڪ ٽينڪ) جي ڪردار تي روشني وڌي. هن سال ميري ٽائيم سيڪيورٽي ورڪشاپ جو موضوع محفوظ سمنڊ خوشحال پاڪستان هو. ورڪشاپ ٻن مرحلن ۾ منعقد ڪيو ويو. پهرين مرحلي ۾ هندي سمنڊ جي خطي م سيڪيورٽي جي چرپر، پاڪستان جي ساموندي شعبي ۾ چئلينجز ۽ موقعا، بليو اڪانومي ۽ پاڪستان جي معاشي خوشحال ۾ ان جي تعاون، سي پيڪ جي اندر گوادر پورٽ جي ترقي بابت علمي ڳالهه ٻولهه ڪئي وئي. ٻئي مرحلي دوران ورڪشاپ جي شرڪت ڪندڙ نيول هيڊڪوارٽر اسلام آباد، ڪراچي ۾ پاڪستان نيوي جي مختلف ٺڪاڻن، سامونڊي ۽ ڪريڪس ايريا جو دورو ڪيو. شرڪت ڪندڙن سامونڊي سفر جي لاءِ پي اين شپ تي سوار ٿي سمنڊ ۾ مختلف سامونڊي مشقن ۽ طريقيڪار جو مشاهدو ڪيو. ميري ٽائيم تنظيمن سان واقفيت جي ٻين دورن ۾ ڪراچي شپ يارڊ اينڊ انجنيئرنگ ورڪس، پاڪستان ميري ٽائيم سيڪيورٽي ايجنسي، ڪراچي پورٽ ٽرسٽ ۽ پاڪستان نيشنل شپنگ ڪارپوريشن کانسواءِ گوادر پورٽ ۽ جناح نيول بيس ۽ ماڙه فيلڊ جو دورو شامل هو. صدر ورڪشاپ جي شرڪت ڪندڙن ۾ سرٽيفڪيٽ پڻ ورهايا.

مضمون کا ماخذ : لاٹری ٹکٹ کی قیمت

متعلقہ مضامین