د وزيراعظم عمران خان د پاکستان پوسټ د لارې ترسيلات زر رالېږلو سكيم پرانستې دستورې ته وېنا

اسلام آباد 24 دسمبر (اے پي پي) وزيراعظم عمران خان وئيلي دي چې رالېږونكو بهر هېوادونو كښې مېشته پاكستانيانو ته به مراعات وركوٶ٬ د سمندر پورې غاړه پاكستانيانو سهولت لپاره به هر ډول ممكنه ګامونه پورته كوٶ٬ د مېرټ د لارې به ادارې سموٶ او قابل خلق به رامخكښې كوٶ٬ د پي آئي اے پشمول په نورو ادارو كښې بهترۍ لپاره عزم لرو۔ د دې خيالاتو څرګندونه ده د نهې په ورځ د پاکستان پوسټ د لارې ترسيلات زر رالېږلو سكيم پرانستې دستورې ته خپلې وېنا كښې وكړه۔ وزيراعظم عمران خان ووئيل بهر هېواد كښې مېشته پاكستانيان د خپل محنت ګټه پاكستان ته رالېږي او د دوي لخوا رالېږلې شوې ترسيلات زر زمونږ د هېواد په معيشت كښې مهم كردار لري دوي په كال كښې يو يا دوه ځله خپلو كورنيو سره ملاقات لپاره هېواد ته راستنېږي بايد مونږ ئې قدر وكړو ځكه چې دوي زمونږ قېمتي اثاثه دي۔ وزيراعظم ووئيل ټولو سفارتخانو ته امر شوې دې بهر هېواد كښې د مېشته پاكستايانو مسئلې دې په سمدستي توګه حل كړې شي او د دوي دې خيال وساتلې شي٬ دوي لپاره آسانۍ پېدا كول زمونږ ذمه واري ده او د دوي د مسئلو هم ښه خبر يو او د دوي آسانيو او سهولت لپاره به هر ډول ممكنه ګامونه پورته كوٶ۔ وزيراعظم ووئيل په قانوني طريقه، د بانك چېنل يا د پاکستان پوسټ د لارې رقمونه پاكستان ته رالېږونكو بهر هېوادونو كښې مېشته پاكستانيانو ته به مراعات وركوٶ په دې لړ كښې پاليسي جوړٶ او د دوي كورنيو ته به هېلت انشورنس كارډ وركوٶ۔ عمران خان ووئيل د پاکستان پوسټ 500 ډاکخانو كښې د ترسيلات زر رالېږلو آسانۍ ترلاسه كوي۔ ده ووئيل نوې پاكستان هم دا دې چې مونږ له د دغه خلقو په ژوند كښې آسانۍ راوستل دي او هم دا زمونږ ذمه واري ده٬ په جمهوريت او بادشاهت كښې فرق دې٬ په جمهوريت كښې حكومت د اولس خدمت كوي او په بادشاهت كښې اولس د باچا خدمت كوي٬ د انګريز په دور كښې هم دغه سوچ ٶ٬ په تېر دور كښې په دفترو كښې د انګريز دور د دې ذهنيت بدلولو په اړه هڅې نه دې شوې٬ مونږ له دا سوچ بدلول وي ٬ د اولس خدمت زمونږ فرض دے ٬ په روغتونونو او سكولونو كښې اولس ته هر ډول بهتر آسانۍ او سهوليات وركولو لپاره هر ډول اقدامت كوٶ٬ د اولسي خدمتونو په ځايونو كښې سوچ بدلولو ته اړتيا ده ۔عمران خان ووئيل هره اوونۍ كښې د وفاقي كابينې په غونډه كښې وزيرانو ته وايم چې ھغوي دې په خپلو وزارتونو كښې اولسي خېرښګړې په اړه يو اقدام وكړي، د پنجاب پوليس آئي جي ته هم وايم چې په تاڼو كښې د عام وګړو سهولت او اعتماد سازۍ لپاره دې كوټلې ګامونه پورته كړې شي٬ كله چې په اولس كښې دا باور پېدا شي چې حكومت په خدمت باور لري نو ھغوي به زمونږ شراكتدار جوړېږي۔ وزيراعظم ووئيل د مدينې رياست په ورځ كښې نه دې جوړ٬ دې لپاره وړومبې سوچ بدل كړې شو او بيا مسلمانان په څو كالو كښې عظيم قام جوړ شو۔ ده ووئيل پاکستان پوسټ په ماضي كښې لوي زيان سره مخ ٶ خو راتلونكي كال كښې به دا ګټوره اداره جوړه شي۔ ده ووئيل په مېرټ آډانه نظام كاميابېږي٬ په جمهوريت كښې مېرټ وي او په بادشاهت كښې وراثت وي هم د دې له امله جمهويت بادشاهت ته ماتې وركړې٬ مسلمان د جمهوريت نه بادشاهت او لويديز د بادشاهت نه جمهوريت پلو لاړل۔ ده ووئيل چين د مېرټ په بنياد پرمختګ كوي٬ مونږ به هم د دغې طرز مېرټ نظام راوړاندې كولو لپاره هر ډول ممكنه هڅې كوٶ٬ په مېرټ به ادارې سموٶ٬ قابل خلق به راوړاندې كوٶ۔ ده ووئيل تېر كال سخت ٶ ٬ د ميعشت په اړه يو شمېر چېلنجونه رامخې ته ٶ چې پكښې د درامداتو زياتوالې او برآمداتو كښې كمې راوستل شامل ٶ، ده ووئيل په كال 2019 كښې مونږ معاشي استحكام لپاره هڅې كړې٬ په كال 2020 كښې به پاكستان پرمختګ كوي٬ معيشت به پرمختګ كوي او اولس لپاره به د ملازمتونو موقعې پېدا شي۔ وزيراعظم عمران خان ووئيل د احساس پروګرام د لارې به د غربت خاتمه كښې مرسته ترلاسه شي۔ دستورې ته د مواصلاتو وزير مراد سعيد هم وېنا وكړه

مضمون کا ماخذ : aplicativos de apostas loteria

متعلقہ مضامین